1. Сите регистрирани спортисти во ТФМ, членови на клубовите и сите рекреативци кои сакаат да се натпреваруваат. Учеството е на сопствена одговорност и сите учесници потпишуваат изјава за тоа, во име на децата тоа го прават нивните родители/старатели.
2. МОРА ДА МОЖЕТЕ ДА ПЛИВАТЕ БЕЗ ПОМАГАЛА ЗА ПЛИВАЊЕ и треба да бидете способни самоуверено да го препливате растојанието за вашата возрасна група (види табела Категории по генерации подолу).
3. Сакаме да поттикнеме што е можно повеќе луѓе да учествуваат на натпреварот но ние како организатори го задржуваме правото да одбиеме влез на учесници за кои сметаме дека не ги исполнуваат овие неопходни услови

1. Ќе ви треба костим за капење, очила по желба и пешкир. За трчање ќе ви требаат и маица, обувки за тренирање/трчање.
2. Никој што се натпреварува во Акватлон не смее да носи накит.

1.  Ќе треба да пристигнете навреме за да се регистрирате, каде што ќе ви биде даден вашиот чип. Дополнително ќе Ве маркираме и со фломастер.
2. Сите натпреварувачи ќе добијат медал на крајот на трката.
3. Сите резултати/пласмани на натпреварувачите за секоја возрасна група ќе бидат достапни на веб страната на нашиот официјален мерач на натпреварот Tag timing Macedonia.

Стартен пакет – чип (се издава при регистрација на трката во недела), обичен ранец, подарок од спонзори, осигурување и Dry Fit маица доколку сте ја избрале таа опција. Издавањето на стартниот пакет ќе биде во Сабота на 26.08.2023 од 10:00 – 20:00 часот на плажата К’Ј Дивоно (мапа). Истиот ден од 17:00 – 18:00 часот на плажата К’Ј Дивоно ќе бидеме достапни за сите оние кои имаат потреба од дополнително објаснување за патеката и секако да одговориме на прашања кои би ги имале во врска со трките, мапите и се останато.

Напомена: Оганизаторот го задржува правото да го менува стартниот пакет.

Пливањето се одвива на плажата КЈ Дивоно и таа е поставена како триаголник. Стартот е пред самата плажа и е од вода. Мапа за патеката е во изработка и ќе ја објавиме штом е готова.

Трчањето се одвива на патеката Студенчишта до нејзината крајна точка во близина на мостот кај каналот Студенчишта. Мапата за патеката за трчање е во изработка и ќе ја објавиме штом биде готова.

• Мастерс, Сениори, Јуниори и Кадети – 900 ден.
• Деца 2 – 600 ден.
• Деца 1 – 300 ден.

Трката е официјално Државно првенство во Акватлон.

Учесниците се должни да ги почитуваат правилата на ИТУ и ТФСМ и учеството на трката е на сопствена одговорност и сите настанати последици се на сопствена одговорност на натпреварувачите.

Пријавување:
07:00h – 08:00h

Саатница по трки:
Саатницата дополнително ќе се објави и таа зависи од вкупниот број на учесници по категории.

Напомена: Доколку вкупниот број на учесници го надмине предвидениот за 2023 година по категории, организаторот го задржува правото да дел од трките ги премести за 26 Август, Сабота, за што сите учесници ќе бидат благовремено известени.

Транзицијата ќе биде на бетонската подлога одма после излегувањето од вода и таа ќе биде поставена од двете страни со соодветна маркација на броеви.

На патеката за трчање ќе има две освежителни станици на кои ќе има вода, електролити и овошје.

Мапата е во изработка за старт/финиш зоната и за патеката на трчањето.

Секој учесник кој ќе ја заврши трката ќе добие медал/финишер додека сите првопласирани натпреварувачи ќе добијат медал и диплома.