За време на трката ќе има 3 освежителни станици. Едната ќе биде лоцирана на стартот, втората ќе биде лоцирана на вториот километар, на половина пат од искачувањето и третата на финиш од трката.

За временските услови учесниците ќе бидат известени во текот на неделата на одржување на трката. Дотогаш условите на планината Галичица може да ги следите на копчето за временски услови подолу.

Покрај индивидуалното учество, на трката може да се направи и тимско учество. При пополнување на онлајн пријавата за секој учесник во полето “Клуб/Team Building“ напишете го името на вашата екипа или одберете од веќе понудените екипи (проверете можеби некој од вашиот тим веќе го додал името на тимот).

ВАЖНО! Името на екипата мора да биде напишано на латиница (заради системот за обработка на податоци) и мора да биде истото за секој член бидејќи системот нема да може да препознае дека сте од иста екипа. На пример, ако вашето име на екипата е Ohrid trcaT тогаш треба за сите членови од екипата при пријавување да го одберете името Ohrid trcaT.

Ако сакате вашата екипа да се најде на ранг листата, тогаш вашиот тим треба да брои најмалку 3 натпреварувачи-ки. Максималниот број на натпреварувачи-ки во екипата не е ограничен, пример ако сте пријавиле 8 натпреварувачи-ки во рангирањето за твојата екипа ќе се земат времињата само на најдобрите 3 натпреварувачи-ки.

Рангирањето на трката ќе се изврши во две категории (мажи/жени). Еден натпреварувач-ка не смее да биде пријавен-а за две екипи, доколку тоа се случи тој натпреварувач ќе биде дисквалификуван од рангирањето на екипата.

Церемонија за прогласување на победниците ќе се одржи во 14:00 часот во близина на самиот старт на трката во с.Пештани.

Првопласираните организаторот ќе ги награди со медал, диплома, букет цвеќе како и стокови подароци од нашите поддржувачи.

Награди ќе бидат доделени за првите 3 места, и тоа како во женска така и во машка конкуренција. Организаторот ќе обезбеди и парични награди и тоа:

Паричните награди ќе бидат исплатени на трансакциска сметка, во рок од 30 дена.

Покрај паричните награди, првопласираните ќе бидат наградени и со медал, диплома и букет цвеќе како и подароци стокови од нашите поддржувачи.

Исто така ќе има и соодветни тимски награди во машка и женска категорија, по принцип на најбрзо време на тимот. Во предвид ќе се земат резулатите на тимовите со минимум 3-ца натпреварувачи.

Секој учесник може да се откаже за време на трката доколку се соочи со некакви проблеми, при што мора да ги извести надлежни лица на Организаторот за неговото откажување. Спуштањето на учесниците до селото Пештани, по завршување на трката, ќе се одвива по маркирана рута, различна од онаа на качување. Рутата ке биде јасно обележана и маркирана. Препорачливо е групирање на учесниците во групи од неколку лица за заедничко спуштање до с.Пештани. Исто така, организаторот ќе има свои луѓе со кои натпреварувачите, групно, би можеле да се спуштат до селото Пештани.

Бидејќи рутата на трката е трасирана во планинска средина со специфични географски услови, долж патеката, секој еден поддржувач кој ќе сака да биде дел од патеката ќе мора строго да ги почитува насоките на организаторот. Присуството на поддржувачите долж патеката е на нивна одговорност и организаторот не сносува одговорност во случај на било каква незгода. На сите поддржувачи им препорачуваме, после бодрењето на патеката, да се симнат на старт на патеката каде ќе можат да ги пречекаат сите учесници после завршувањето на трката но и ќе се дел од официјалната церемонија на прогласувањето на победниците.

Патеката ќе биде маркирана со ленти. Лентите ќе бидат со должина од 1 метар и ќе бидат поставени на секои 20-30 метри. На места патеката ќе биде затворена од двете страни со долги ленти со цел да не може да се скршне од самата патека.

Организаторот го задржува правото да ги измени овие правила во секое време од причини што смета дека се соодветни за подобра организација на трката. Секоја промена која што ќе биде направена и е поврзана со некоја од клучните работи на трката, ќе биде соопштена на веб страната и социјалните мрежи на настанот како и на Вашиот мејл кој е оставен при регистрацијата за настанот.