Ohrid trcaT

Голем број гости, меѓу кои и бројни јавни личности, градоначалникот на општина Охрид Јован Стојаноски, претседателката на Советот Живка Ангелоска, деловни партнери и пријатели, присуствуваа на промоцијата на четвртата Годишна ревија на настани и доделувањето на признанијата на најдобрите приказни во 2017 година, на гала вечерта што синоќа се одржа во „Куба Либре“. Во опуштена атмосфера се коментираа случувањата од изминатата година, а присутните уживаа во прекрасниот поглед на Охрид и вината на Далвина.

 

 

 

 

 

-Медиумите се одраз на состојбите во општеството. Какво општество, такви медиуми. Новинарското перо одамна е истапено, квалитетот на информациите кои се пласираат во морето вести крајно сомнителен и оптоварен со сензационализам, непрофесионализам, необјективност, сервилност и авто цензура. Во една таква состојба OhridNews и натаму се труди да опстои на темелите кои цврсто ги постави пред 11 години – да биде деконтаминирана зона каде ќе се пласираат проверени информации, да остане оригинален и препознатлив и да работи во интерес на објективно информирање на граѓаните. – истакна во обраќањето главниот и одговорен уредник на OhridNews Горан Момироски, на свеченоста со која беше заокружено одбележувањето на единаесет годишнината од почнувањето со работа на првиот информативен портал во Република Македонија.

 

 

 

 

Во годишната ревија на настани хронолошки се поместени најзначјните збиднувања во Охрид во 2017 година, која беше исклучително турболентна.

 

-Во годината што измина објавивме над 10.000 информации, во најголем дел авторски вести на професионалниот новинарски тим на порталот. Во годишната ревија на настани отстапуваме простор за позначајните случувања што ја одбележаа 2017 година. Потсетуваме и им оддаваме признание на успешните приказни, личности и организации кои оставија белег во годината што измина, затоа што сакаме да сме позитивни и со таква енергија да го продолжиме заедно патот кон успехот, секој во својата област, а сите заедно за нашиот Охрид, затоа што овој град тоа го заслужува и има и луѓе и колективи и капацитет да биде подобро место за живеење. Одговорноста за тоа е на сите нас. – додаде Момироски.

 

 

 

 

Хуманитарниот хепенинг „Сите играме за Јане“ е прогласен за хуман настан на година во Охрид за 2017 година во изборот на редакцијата на OhridNews. На свеченоста благодарност им беше искажана на хуманите активисти Гордана Лолеска, Ивана Маховска Шикалеска, Влатко Стојкоски, Наум Јанкулоски и фудбалската школа Топ Тим, општина Охрид и другите помагатели, ракометните ветеранки, РК Лихнид, лајанс клубот Лихнидос, на медиумите и на активистите на Здружението „Живот со предизвици“ за организацијата и помошта во реализацијата на настанот за подршка на малиот Јане Велковски кому му е дијагностицирана спинална мускулна атрофија и за поддршката на лицата со ретки болести.

 

 

-Благодарам на сите што го поддржаа овој настан кој вроди со плод. Вчерашната вест за ставањето на лекот на „Спинраза“ во регистарот на лекови за ретки болести во Република Македонија одекна насекаде и не направи премногу среќни и горди. Ние бевме само едно мало делче што му помогна на семејството на Јане како и на другите деца со ретки болести, посебно на тие со спинална мускулна атрофија наскоро да го добијат лекот. – истакна Гордана Лолеска, активист на здружението „Живот со предизвици“.

 

 

Свое обраќање до присутните со видео порака имаше и малиот, но голем борец Јане Велковски, кој искажа благодарност до охриѓани за поддршката на лицата со ретки болести.

 

 

За спортски настан во Охрид за 2017 година во изборот на OhridNews беше прогласена манифестацијата „ОХРИД ТРЧАТ“ во организација на  Асоцијацијата на спортови „Спорт за сите, сите за спорт“.

 

– Минатата година навистина како што кажавте беше турболентна, а ние одлучивме да отпочнеме една нова традиција која ќе понуди нешто ново за Охрид. Тоа ни е целта 365 дена да имаме нешто ново во спортот во Охрид. – истакна Иван Цветкоски од Асоцијацијата на спортови „Спорт за сите, сите за спорт“.

 

 

-Голема благодарност до OhridNews за ова признание, но посебно за поддршката на Охрид Трчат, кој немаше да биде тоа што беше без OhridNews и другите помагатели. – рече Антонио Додевски од Асоцијацијата на спортови „Спорт за сите, сите за спорт“.

 

 

–Најавувам уште еден голем спортски настан во организација на Асоцијацијата на спортови „Спорт за сите, сите за спорт“, кој ќе се одржи на крајот на ова лето и кој ќе ја збогати понудата на нашиот Охрид. – додаде Јоне Станкоски од Асоцијацијата на спортови „Спорт за сите, сите за спорт“.

 

 

Агенцијата „Вис Пој“ која изминатата година одбележа 15 години од основањето, беше прогласена за „Туристичка приказна на годината“.

 

– Ова е едно од подрагите признанија кои ги добиваме и е потврда за нашата работа. Сакам да се заблагодарам на сите деловни партнери и на сите кои не поддржуваат овие години. – истакна сопственикот на ТА „Вис Пој“ Олег Маленко.

 

 

Признание ОhridNews му додели и на АД „Галеб Охрид“ за нејпрепознатлив транспортен бренд кај нас, кој во 2017 година одбележа 70 години успешна работа.

 

– OhridNews се кажа за Галеб и за нашиот јубилеј – 70 години од постоењето. Ви пожелувам на сите среќна Нова година, успех и среќа во 2018 година. – рече генералниот директор на АД „Галеб“ Охрид Љупчо Василески.

 

 

 

Издавањето на Годишната ревија на настани која бесплатно ќе биде дистрибуирана до читателите, го помогнаа: АСП ПАК, Далвина, Горска, Староградско, Куба Либре, Еуро Стил, Топ Маркети, кафе и бар Шила, ресторан Канео, Стоматолошки центар Д-р Баткоски, аптеки Виа Фарм, ресторан Виа Игнација Вевчани, ТА Вис Пој и Love&Life studio, кое фото и видео го документираше настанот.

 

ФОТО ГАЛЕРИЈА:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

OhridNews ги додели наградите на најдобрите и ја промовираше Годишната ревија на настани 2017

 

OhridNews

Нешто ново, нешто необично, а светски донесе во Охрид првото издание на атлетскиот викенд Охрид Трчат. Голем број на охриѓани и гости сабајлево излегоа на улиците и на градскиот плоштад да бидат дел од атлетскиот викенд кој ќе прерасне во традиција.

Многу среќни и исполните лица можеа да се видат по завршувањето на 5 и 10 километарската делница, а имаше такви кои трчаа со своите мали дечиња во колички или за рачиња, а имаше и луѓе кои трчаа во чест на некого.

Охрид Трчат, дефинитивно (ќе) го промени Охрид и го доближи до светските метрополи кои можат да се пофалат со неколку големи манифестации во една година.

Фотогалерија:

Асоцијацијата за спортови „Спорт за сите-сите за Спорт“, Општината Охрид, СВР Охрид и другите учесници во организацијата подготвени се за атлетскиот викенд „Охрид Трчат“ кој за прв пат ќе се одржи во нашиот град. Официјално атлетскиот викенд Охрид Трчат започна со школската трка, но сето тоа е најава за главното што следува, односно трката на 5 и 10 километри која ќе се одржи в недела со почеток во 10 часот.

– Асоцијацијата на спортови „Спорт за сите-сите за Спорт“ како организиратор и институциите Општина Охрид и СВР Охрид подготвени сме за престојниот атлетски хепенинг Охрид Трчат. Официјално Охрид Трчат започна со школската трка која се одржа по должината на Кејот Македонија покрај Охридското езеро, а учествуваа 350 ученици од Основните училишта. В сабота пред домот на култура „Григор Прличев“ од 15 до 20 часот ќе биде експото, односно доделувањето на стартните патОеки без кои не може да се учествува. Во секој стартен пакет ќе има вграден специјален чип кој електронски ќе го мери времето на секој натпреварувач поединечно. Исто така в сабота од 17 до 19 часот професорите по физичка култура и образование заедно со поранешни атлетичари ќе имаат спортски игри со лицата со попречеснот и нивните родители. – рече Иван Цветкоски.

Градоначалникот на Охрид, Никола Бакрачески кој беше дел од промотивното видео „И јас сум дел од тоа“ на официјалната пресконференција го доби стартниот пакет со неговото име и бројката која сам си ја посака. Тој упати пофални зборови за организацијата и го повика сите охриѓани на улиците да ги бодрат учесниците. – Нема да го скријам моето задоволство и воодушевување од организацијата на овој навистина значаен настан за Охрид. Почнувајќи од подготовките кои што се изведуваа за Охрид Трчат, така и за промотовните и маркетеншките активности и за интересот кои владее меѓу охриѓани и гостите. Атлетскиот викенд во Охрид кој во целост наликува на светските настани од ваков калибар ќе биде многу значаен од повеќе аспекти. Прво важен е за промоција на градот и доказ дека Охрид може да организира спортски настани со светски шмек.

За редот, мирот и безбедноста на учесниците ќе се грижат 50 редари волонтери, СВР Охрид заедно со сообраќајната полиција која дополнително со соопштенија ќе ги информира граѓаните за сообраќајниот режим на денот на трката.

– Сакам да им упатам честитки на организаторите за овој мега спортски настан кој значително ќе го издигне Охрид на спортската мапа. Ние како СВР Охрид на безбедносен план ќе делуваме според потребите на атлетскиот викенд и во целост ќе го контролираме јавниот ред и мир. Исто така свој голем удел ќе има и Сообраќајната полиција која ќе контролира сообраќајот во градот за беспрекорна трка. СВР Охрид дополнително ќе ги информира граѓаните за начинот на движење на сообраќајот за време на трката. – изјави потпаролот Стефан Димоски.

До сега на адресата од организаторите стигнати се 330 пријави за учество, а в недела учесниците на стартот треба да се појават до 9 и 15 часот, каде што ќе има аеробик и пилате, односно вежби за загревање.